لكْتاب ن سيدنا مرْقس

ؤُهَاذ سُّوْرَا ن سِيدْنَا مَرْقُس زݣ لْإِنْجِيل ن سِيدِيْنغ عِيْسَى لْمَسِيح. نتَّا يدْجن زݣ لمْحَضْرَا نّس لُّوْلِـيِين. لكْتَاب-أَذ يتْتَرْجم س تْمَازِيغْت ن غُمَارَا يعْنِي يدْجن لُّغَا ن لْمغْرب (تَغُوْمَارِيت). لكْتَاب-أَذ ن سِيدْنَا مَرْقُس نتَّا سُّوْرَا تَانْيَا ݣِي لْإِنْجِيل. سِيدْنَا مَرْقُس اَݣِيل يسّن سِيدِينغ عِيْسَى س إِغْفل نّس، ئِتْسَفَر إِيْذس اَمْڬَا اَي يتْبشَّر. هَامْڬَا يقّر لكْتَاب ن سِيدْنَا مَرْقُس ݣِي 1: 9-11، "ݣِي لْأَيَّامَاث إِهن يدَّا-د عِيْسَى زݣ لْبِيلَاج ن نَاصِرَا يدَّا-د دَار تَرْحَابْت ن لْجَلِيل، ​ئِطهَّار-ث يَحْيَى س وَامَان ݣ وَاسِيف ن لْأُرْدُن. زْݣَا يعلَّا زݣ وَامَان، سَعَا يࢲْرَا اَنَّا تفْتَاح، أَرُّوْح ن ربِّـي تݣّز-د خْفس يسْكر اَم يَاه تَحْمَامْت. يَاث تَامْيَا زݣ اَنَّا ثقّر: "كج اَعيَّال ينُو لْمُحِبِّـين، نكِّين فَرْحغ زْݣڬ."

عَاود يقّر ݣِي سُّوْرَا ن سِيدْنَا مَرْقُس ݣِي 8: 34-38، "ئِبرّح خف لمْحَضْرَا نّس إِي لْغَاشِي ينَّا-ٱسن: <شْكَا يحْتَاجن اَد يتْبَع نك، شَا سْمح ݣ إِغْفل نّس يهز صَّلِيب نّس خمّن يعدّب دَاث يتْبَع. عْلَاحقَّاش ؤُهِين اَي يحْتَاج رْبح لْحَيَات نّس يخصَّا-ٱس اَت يخْصَر. ؤُهن اَلَّا شَا خْصَر لْحَيَات نّس خف سَّبَاب ينُو إِي سَّبَاب ن لْإِنْجِيل شَات يرْبح. سمَّا ٱر نفّْعت بْنَادم اَمْڬِي يرْبح دُّنْيَا كَامْلَا يخْصَر لَعْمَر نّس؟ عَاين، بْنَادم مَا يزمَّر شِي أَ بدّل وَالُو ݣ لْمُوْطَع ن لَعْمَر نّس. ؤُهن الَّا شَا عفَّر خْفِي ولَّا شَا عفَّر خف لْهضْرَا ينُو ݣِي زْمَان-اَذ الَّا مَا يصْبح يتْخدّع ربِّـي، سَعَا شَا عفَّر خْفس اَعيَّال ن بْنَادم زْݣَا يتُوْثُّو س لْعَظَمَا ن بَابَا نّس إِي لْمَلَائِيكَا لمْقدّْسِين".<