تْهَادِين تَبْرَاث ن سِيدْنَا يُودَا اَيلَّان ڬْمَاس ن سِيدِينغ عِيسَى لْمَسِيح ل لْمُومِنِين۔
20 كُنَّا آ لعْزِيزِين ئِنُو، بْنَاوْث إِغْفل نُّون ݣِي لْسَاس ن لْإِيمَان أَ لَّا عَالِي أَ لَّا ݣَاون، ژُّولَّاوْث س اَرُّوح أَ يْقدّْسن. 21 ئِخصّ-اَون دَا قِّيمم ݣِي لْمَحِبَّا ن ربِّـي دَا سَاݣْمم رَّحْمَا يَاهن ن سِيدِينغ عِيسَى لْمَسِيح تْهَان أَ لَّا هْتَاوِْي-اَون دَار لْحَيَات أَ لَّا مَا هْفنِّي شِي عُمّْرَا. 22 خدّْمَاوْث لحْنَانَا إِي ؤُهِين أَ لَّا تْشَاكَان. 23 فكَّاوْث وِيَاط، جبّْدَاوْ-تن زݣ لْعَفْيَا. وِيَاط بـيّنَاوْث-اَسن اَرَّحْمَا مْخلْطَا إِي أَڬْصُوت يعْنِي دَا عِفّم لْبَاس نْسن أَ لَّا خَانز س طّْبِيعَا نْسن مَا هصْبَح شِي.
